24.05.2022

“Erkən nigah və  onun fəsadları”, “Narkomaniyaya yox deyək” 

19 may 2022-ci il tarixdə Xocalı şəhər 3 saylı tam orta məktəbin  IX-XI sinif şagirdlərinin iştirakı ilə “Erkən nigah və  onun fəsadları”, “Narkomaniyaya yox deyək” devizi  altında  dəyirmi masa  keçirilmişdir. Diskussiya  xarakterli bu tədbirdə məktəbin direktoru Eldəniz Məhərrəmov, təlim-tərbiyə işləri üzrə direktor müavini Vəfa Məmmədova mövzularla  bağlı  məruzələr  etmiş, məruzələr ətrafında IX-XI siniflərin rəhbərləri, məktəbin psixoloqu, şagirdlər  çıxışlar etmişlər. Gündəlikdəki  hər iki məsələnin zərərli tərəfləri, onların törətdiyi  fəsadlar barədə şagirdlərə  ətraflı şəkildə məlumat verilmiş, şagirdləri maraqlandıran suallar  cavablandırılmışdır. Sonda proyektor vasitəsilə zərərli vərdişlərin  törətdiyi fəsadları özündə əks etdirən qısa videoçarxlar nümayiş olunmuş, hazırlanmış  bukletlər  şagirdlərə  paylanmışdır. Göstərilən  mövzularda  şagirdlər  divar  qəzetləri, stendlər  tərtib etmişlər.

 


Açar sözlər: ,  ,  ,  ,  ,